疯狂粤语
□记录：阿旺
(上一期，想找暑期工的年轻人向招募热线接线员提出两个要求：当圣诞老人、派财神……)
卖嘢有冇吖？
你一早讲咪好啰卖嘢有——
哦我暑期工我想、我想卖暖炉！
暑假冇暖炉卖嘅呒小朋友！
点解冇暖炉卖？
咁暑假热死辣辣边度会有人买暖炉咁你卖咩呢啊？係唔係？……喂？
(吹气)我想做义工！
哦做义工係嘛？做义工即係咩都做啦即唔收钱嗰啲啦係咪吖？
係啊。我做义工呢……
咁做义工唔收钱咩都做得啦？
就係咩……唔係吖，我、我净係做一种义工……
咩义工啊？
我……派毛毡。
咁暑假热辣辣派啲毛毡做咩嘢啫？啲阿公都会盖都热到死啦！
嗯……
生热痱嗰啲哦，仲麻烦哦！
嗯，做唔得吖？
梗係唔得啦！你谂清楚好唔好？
做义工边会谂清楚吖？
梗係啦！唔使谂啊？你以为出来做嘢好容易啊？！
嗯。我想暑期工可唔可以……
点啊？快啲啦！
……开避寒中心！
(再次崩溃)避咩寒中心啫！热死辣辣三十几度日日！避寒中心开着都冇人来啦！
扯鼻鼾嗰啲。
你係咪玩嘢吖？
你哋係咪帮人揾啲暑期工架？
係！头先一早都话俾你听呢嗰係帮人揾暑期工嘅！
你呢啲十成九都係呃我啲年青人，呃我哋做暑期工，其实要我哋——卖淫嗰啲！
我哋冇卖淫哦！(抓狂)
我知你一定係嗰啲嘅，係咪？
唔係！你唔好咁样话我哋！我哋唔係咩卖淫公司！
你唔怕哦，因为、因为……我可以呒……(含羞道出)
你卖淫？！！(升调)
係吖(小声，估计低着头)……
你卖咩淫啊你？
……笑盈盈、咿咿淫淫、游子吟(淫)、同埋……呻吟……喂？喂——阿妈，暑期工中心话我冇工做……喂——喂——咦，啲暑期工呃人嘅！
(音频链接：http：／／www.ttx.com.cn／dispbbs.asp？boardid＝224＆id＝867466)
