阿妈十大口头禅

　　粤讲粤明

　　□fengcici

　　1.着多件衫呀！(不论寒冷或酷热天气警告都会听到)；

　　2.生嚿叉烧好过生你！(点解係叉烧？双拼叉鸡会唔会好啲？)

　　3.隔离陈师奶个仔读书都唔知几叻。(係啰，你都话“唔知”啰，讲黎把鬼咩。)

　　4.早啲瞓啦，晚晚都咁夜瞓，听朝返工返学唔够精神吖！(仔：阿妈，听日星期日喎！)

　　5.第二样嘢冇见你咁叻，驳咀你就最叻！(都唔够你买嘢嗰阵讲价咁叻。)

　　6.睇电视唔好坐咁埋呀，睇坏对眼吖！(阿妈，太迟啦，就係对眼坏咗先要坐咁埋睇。)

　　7.叫咗你唔好夜晚洗头，“第二日”老咗你就知！(第二日咁快就老咗……)

　　8.得闲带个女仔返黎食饭啦。(带男仔得唔得吖？)

　　9.几时结婚呀？(结婚，结婚，结完就分，有乜好结喎？)

　　10.成日挂住买衫，买到成屋都係你啲衫！(你啲衫好似仲多……)