港人讲嘢□Inzaggio
黄子华係粤港地区最具影响力嘅搞笑明星之一。喺佢所主持嘅栋笃笑以及有份参与嘅剧集里面，都有唔少幽默搞笑嘅词句。细品之下，发觉入边有好多值得深思嘅意味。呢啲经典嘅语句反映咗现代人喺事业、家庭、朋友、爱情等多重问题交织之下“有压力、未解决”嘅现实而无奈嘅心态，但同时亦都表达咗一种“顶硬上”，不畏困难嘅态度。依家摘录几
条出嚟，同您一齐分享感受一下：
1.爱情：恋爱唔係PART－TIME(兼职)，你唔可以话：“爱！做完咪走啰！”恋爱係一盘生意，你要二十四小时谂住佢。自己生意，冇所谓PART－TIME正职。人哋放假或者过年过节，你更加要开OT添。行花市啦行海皮啦睇戏食饭啦……你有乜嘢竞争对手呢？我冇竞争对手？你估你係专利巴士公司啊？港巴都执咗啦！有冇考虑结婚？噉就要向公众交代，噉就即係上市啦！所以，“中学生应否谈恋爱”唔係问题，问题係“人类应否有两份全职工作”……你再拍拖，需要知会你老板：“老细，我出面搵咗份恋爱，我眞係好需要呢份恋爱，不过公司啲嘢我会照做，我兼顾到咖。”然后你老板会话：“噉你不如搵多份恋爱，咪直情唔使返呢份工啰！”
(“生命诚可贵，爱情价更高。若为面包故，两者皆可抛？！”如何处理好爱情与事业两者之间嘅关係，的确係我哋现代人需要好好思量嘅一件大事啊！)
2.“人又老，钱又冇，老婆跟人走埋佬，分尸畀人摄落个灶。”
(冇错啊，头先先讲完，搞唔好就会可能出现噉嘅惨况喇，努力啊，朋友！)
3、迷惘：喺公司，老板会同我讲：“你返嚟唔係瞓就係去厕所，你当呢度係屋企啊？呢度係公司啊！”我返到屋企，阿妈又会话：“你重当呢度係你屋企咩，你返嚟唔係霸住个厕所就剩係识瞓！”——噉、噉我返屋企又唔瞓觉又唔去厕所，返公司又唔去厕所唔瞓，噉我呢啲嘢去边度做啊？不过后嚟我谂过，自己又係过分啲嘅，于是我就痛改前非。以后返屋企我就剩係瞓觉，返公司就剩係去厕所。
(引用无间入面嘅一句对白：“我都净係想做一个好员工同乖仔啫。”畀条生路行下好㖞！)
4、“大难不死，必有镬粥。”
(啱！只要我哋肯努力，总会有出头之日嘅，天道酬勤啊！)
