阿婆阿公对对碰

　　粤讲粤明

　　□窗旁一个

　　阿公七十几岁，仲成嗰大细佬咁，好仲意讲笑。偏偏阿婆又係一嗰几严肃嘅人，所以佢哋俩人嘅对话，经常都好搞笑架。

　　一日中午，阿婆瞓係张床上，同隔离睇紧报纸嘅阿公讲：“喂，咪睇住啦，拉埋啲窗帘，我要瞓晏觉。”点知阿公放低报纸，唔係去拉窗帘，而係去揾咗副墨镜架係阿婆嘅鼻上，一边仲讲：“阿婆，醒你副黑超啦，係咪觉得嗰天即刻黑晒喱？家阵唔使眯埋眼都瞓得着啦！”阿婆就话：“有冇搞错，戴住墨镜瞓觉，人哋仲以为我係痴咗嘅……”一边讲一边除咗副墨镜落黎，阿公又帮佢戴翻上去，又话：“咪喐啦，戴住佢好型架，你咁大嗰女，我都未见过你咁型嘅……”“我怕咗你喇，我瞓喇。”

　　又一日，阿公行公园返嚟，一入屋，阿婆即刻拎住嗰地拖跟係阿公后面係噉拖，阿公话：“阿婆，点解你成日都响度拖地架？我头先出门嗰阵你已经拖紧，我行咗两粒钟返嚟你仲响度拖，你唔烦嘅吖？”阿婆就冇好气噉话：“你估我好想拖架？又唔睇吓自己粘住满脚泥就入屋，成嗰污糟猫咁。”阿公睇睇对鞋，笑嘻嘻咁话：“我唔係污糟猫，我日日都冲两次凉架，阿婆你一日冲一次咋！咪仲污糟过我？

　　(请作者告知真实姓名及通讯地址)