粤讲粤唔明

　　疯狂粤语□区翠云

　　1.滚

　　我：近排我时时去滚。

　　朋友：你唔係去滚，而係去蒲。

　　我：吓，有乜嘢唔同啊？

　　朋友：你结佐婚就係滚，未结婚嗰的叫作蒲，但係如果你十几岁呢，就叫WET

　　我晕……

　　2.烦

　　我：近牌好鬼烦！

　　朋友：烦咩嘢啊？

　　我：费事同你讲，讲起一匹布咁长。

　　朋友：吓，一匹布好长嘅咩？定係你为佐一匹布烦啊？

　　3.大只

　　我：我生日你送咩嘢俾我啊？

　　朋友：金银手饰好吗？

　　我：咄，大只讲，吹水唔抹嘴。

　　朋友：我好大只咩？我好讲卫生架，食完嘢一定会抹嘴咖。

　　4.是蛋

　　朋友：好啦，请你食饭啦，想食什么菜？

　　我：是蛋啦。

　　朋友：什么蛋？豉汁蒸蛋？

　　我：是蛋啦。

　　朋友：……

　　5.係唔係

　　我：你攞佐我本书咩？

　　朋友：梗係唔係啦。

　　朋友：係，定唔係？

　　我：梗係唔係啦

　　朋友：？？？？