粤语笑话三则

　　疯狂粤语

　　□薛锵

　　1.阿森係一个细路仔，佢父母教佢对人讲嘢要有礼貌，若果人客话姓张(章)，你就要问佢係“弓长张”定係“立早章”。森仔记住咗呢啲说话。有一日，有位人客嚟搵佢父母

，佢就问：“你贵姓吖？”人客赞佢好乖，之后话係姓李嘅。森仔就问人客：“系弓长李定系立早李吖？”个人客话：“岂有此理(李)？”

　　2.我见女同事读紧幼稚园嘅女女好趣致，就特登行埋去问佢：“你妈咪贵姓吖？”佢话：“佢小姓白，大名叫做雪，我叫佢做白雪雪。”我又问：“咁你爹哋又点称呼呢？”个细路女好大声噉答我：“佢叫做老公。”

　　3.刘野啱啱由内地嚟深圳做嘢，有一日搭大巴上广州，一坐低，隔篱嗰位先生就用白话好大声噉同佢打招呼：“早晨！”刘野亦都用广州话答佢：“早晨！”嗰位先生又用白话问佢：“食咗饭未吖？”刘野答：“食咗。”刘野啱啱学识几句广州话，惊嗰位先生再问落去自己唔识答，于是乎就对嗰位先生讲：“早唞！”见嗰位先生面红红咁望住自己冇出声，刘野即刻眯埋眼诈谛休息。隔冇几耐，嗰位拍咗一下刘野嘅膊头，用普通话问佢：“‘早唞’係乜嘢意思？”刘野卒之忍唔住笑，心谂，原来佢都只係识少少……