广州往事
□陈明
广州有只旧儿歌仔:“排排坐,食粉果,猪拉柴,狗点火,猫儿担凳姑婆坐……”唱嘅喺阿爷阿嫲细嗰时食粉果嘅事情,可以想象到食粉果对细路仔喺几吸引啊!
很耐以前,广州西关喺达官贵人集居嘅地方。娥姐喺一个大官雇请嘅女佣人,佢生得好靓,又聪明伶俐,识做几种点心。有一日,主人请客,叫佢做几样点心。佢决定做一种人地未食过嘅点心。于是,佢将晒干嘅大米饭磨成粉,用开水和面做皮,用炒熟嘅猪肉、虾、冬菇、竹笋粒做馅,包好放上笼蒸熟,就叫做粉果。客人食咗以后,无唔赞好嘅。于是,粉果就渐渐被官僚们传扬开。后来,一间名号叫“茶香室”嘅茶馆老板得知呢件事,佢灵机一动,觉得呢样“粉果”真喺佢嘅生财之道。于是,佢用重金聘用娥姐为佢制作粉果。“茶香室”规模唔大,但好讲究。老板为咗招多啲顾客,特别为娥姐搞咗个玻璃屋,畀娥姐坐喺里面制作粉果,并且起名为“娥姐粉果”。咁样,顾客唔但只可以品尝娥姐粉果,而且仲可以睇睇咁靓嘅娥姐点样做粉果啦。于是,茶室生意越黎越好,娥姐粉果亦越黎越出名啦。各个酒楼茶室一见,纷纷仿制起来,就咁样,娥姐粉果越传越广。
依家嘅娥姐粉果喺用澄面同生粉做皮,用猪肉、叉烧、冬菇、笋肉、生虾肉、白糖、酱油、精盐、味精、白酒、胡椒粉、蛙油等做馅。每个粉果包馅六钱,要包得满而不实,形状似榄核,捏口不留指痕,摇佢有声。包好后,别具风味。