法式笑话精选

　　疯狂粤语

　　□ Inzaggio

　　1.足球大过天

　　有位总统候选人喺法国嘅一个小城市发表竞选演说，市长热情噉接待佢，顺手塞咗张纸仔，讲：“你攞住，开始演讲前请先睇吓。”

　　候选人以为张纸仔会讲啲好嘢，就打开嚟读：“请您开恩，唔好同我哋讲埋晒啲空洞嘅废话。今晚八点法国电视一台有足球直播，就算係您最忠实嘅支持者，亦都好希望呢个时候可以返到屋企。”

　　2.因了解而弃权

　　近期进行紧总统选举，全国上下都好关注此事。有电视台记者设计咗《街头采访》栏目，向路人发问：“如果阿边个边个竞选下届总统，您会唔会投票畀佢啊？”

　　第一个被访者答：“唔会，因为我重未好了解佢。”第二个被访者答：“肯定唔会，因为我太了解佢！”