女人需要四个男人(中)

　　港人讲嘢·许冠文鬼马Talk show

　　□ 记录 莫夕

　　女人需要嘅第三个男人，呢个更难嘞，就係功夫要好嘅。但係你知道啦，男人除咗初初识你嗰三日，係对你热情之外啊，第四日就变到死蛇烂鳝噉嘅嘞，噉又点样可以满足你呢？所以，你要廿四小时都可以满足你嘅呢，只有一个方法，就係去揾只鸭！依家嗰啲鸭呢，就平过烧鹅！而且呢，个个都识条Tango，个个都好似Tom Gruse噉嘅款嘅，你有冇留意到啊，个个新界嗰啲都係噉嘅，行路好似跳Tango噉嘅。好嘞，一有需要，即刻打电话叫佢打车过嚟，搞掂之后，数几百蚊畀佢走，盏死啦！干手净脚！啊？唔够？即係要几钱啊？你上一次揾过几钱啊？千二啊？OK，噉就千二都抵啦，干手净脚啊嘛，咪嘚佢走咯！

　　好嘞，最后呢，最难就呢种男人嘞：第四种就係，能够不断噉廿四小时，听佢尽诉心中情嘅。因为女人係一种好多嘢哦嘅动物嚟口架，佢乜嘢都唔係好满意口架，唔係太大就太细，唔係太高又话太矮，唔係太热又话太冷，佢对我唔住，我对佢唔住，大家对唔住……哇，总言之好鬼多嘢哦嘅！好嘞，佢就最需要一个男人听佢％＃￥◎￥￥＃％之后呢，一句声唔答，最多久唔久答：“嗯。係。你啱。”噉就得口架嘞！世界上有冇呢个男人呢？冇！因为男人只能够听两个字就走口架嘞，“早晨！”噉就走啦！仲讲咁多嘢！好嘞，係边度揾呢个男人呢？佢一定係一个