我最钟意嘅十首童谣

　　广州说唱

　　□ 小芹整理

　　1.落雨大：落雨大，水浸街，阿哥担柴上街卖，亚嫂出街着花鞋。花鞋花袜花腰带，金丝蝴蝶两边排。

　　2.月光光：月光光，照地堂。年卅晚，摘槟榔。槟榔香，买子羌。子羌辣，买胡达。胡达苦，买猪肚。猪肚肥，买牛皮。牛皮薄，买菱角。菱角尖，买马鞭。马鞭长，顶屋梁。屋梁高，买张刀。刀切菜，买饭盖。饭盖圆，买只船。船无底，浸死两个番鬼仔。一个浮头，一个沉底。

　　3.排排坐：排排坐，食粉果。猪拉柴，狗烧火。猫仔担凳姑婆坐，坐烂屎忽咪赖我。

　　4.凼凼转：凼凼转，菊花圆，炒米饼，糯米团。阿妈叫我睇龙船，我唔睇，睇鸡仔，鸡仔大，拎去卖。卖得几多钱？卖得三百六十五个仙，得来买膏又买盐。

　　凼凼转，菊花圆。炒米饼，糯米团。阿妈叫我睇龙船，我唔睇，睇鸡仔。鸡仔大，捉去卖，卖得几多钱？卖得三百钱。一百打金钗，一百买街牌。剩番一百，打只金铬畀阿妈戴。

　　5.点虫虫：点虫虫，虫虫飞。飞去荔枝基。荔枝熟，摘满袱。荔枝生，摘满罂。荔枝黄，摘满床。

　　6.肥佬：肥佬肥腯腯，买嚿猪肉去拜神，行到半路屎忽痕，翻到屋企冇晒人，打开痰罐有敌人！

　　7.丫蝉喊：丫蝉喊，荔枝熟，嫩仔喊，米升烘。大人喊，茶瓜蒸猪肉。

　　8.鸡公仔：鸡公仔，尾婆娑，三岁孩儿学唱歌。唔使爹娘教导我，唱起歌来一箩箩。

　　9.有只雀仔跌落水：有只雀仔跌落水，跌落水，跌落水；有只雀仔跌落水，畀水冲去。

　　10.肥仔个头：肥仔个头，大过五层楼，肥仔只手，细过荷兰豆，肥仔个屎忽，屙豆豆。