不支持Flash

高第街嘅由来

http://www.sina.com.cn 2007年06月13日11:09  南方都市报

  羊城讲古台

  □ 江晖

  高第街依家係北京路附近一条专卖内衣嘅商业街。高第高第,个名好似同“状元高中”、“考试及第”有关,但大家千祈咪以为呢条街嘅得名同状元、考试有关呀,相反,係同一个乞衣有关。

  好耐之前,呢条街仲未有名,里面有间大屋,住咗家有钱人。高门大户,门口就肯定多乞衣求人施舍个发财钱嘞。咁啱个财主都唔係孤寒人,都成日会派个妹仔出去派啲嘢食同衫裤。乞衣队中有个姓高嘅后生仔,人人都叫佢做高弟,佢觉得个妹仔生得靓,心地又好,竟然日久生情。不过,都清楚自己身世,唔敢贸贸然同人表白。

  世事呢,好桥妙,咁啱个妹仔又睇中高弟喔,仲对佢特别照顾添,成日静鸡鸡拎啲好嘢畀佢。好衰唔衰,呢一切都畀财主屋企个奶妈睇到晒。奶妈心谂:岂有此理,你个衰女包,我个仔咁好,你眼尾都唔望一眼,反而睇中个乞衣仔,整你一镬先得!于是就同个财主打小报告,话个妹仔同高弟狗上瓦坑——有条路。旧时呢家嘢好棹忌嘅,个财主发晒火,打到个妹仔剩番半条人命,丢咗佢去荒山野岭。高弟收到风之后即刻

仙剑眉枘炎渲畵h番就嚟死嘅妹仔,带佢走佬,揾个偏僻地方落脚。等妹仔调理好身体后,佢哋就结咗婚,生埋细路,好勤力耕田、卖嘢。

  俗语有话,“终有一日龙穿凤,唔通日日裤穿窿”,高弟两公婆经过好多年辛勤劳动,死悭死抵,终于发咗达,就谂住出番去以前嗰度生活。又咁啱撞正当年个财主家道中落要卖屋,风水轮流转啰,高弟就噉买咗间屋,做咗嗰条街嘅财主。好多人都认得佢就係以前嘅高弟,于是就叫呢条街做“高弟街”嘞。有一日,有个秀才经过呢个街,话呢个街名好俗,不如改叫“高第”嘞,有高尚府第、高家府第嘅意思,够晒贴切。就噉,呢条街就改叫“高第街”嘞。

爱问(iAsk.com)
不支持Flash
不支持Flash
不支持Flash