法式笑话粤语版

　　疯狂粤语

　　□Inzaggio

　　1.唔想食死猫

　　朋友问保路：“点解你会谂到要节食嘅？”

　　“唔好提嘞，自从喺轮胎厂打工开始，我就焗咳要噉做。开头每晚收工嗰阵，门卫硬係要搜匀我全身，话我肯定偷咗轮胎，将佢收埋喺T恤入面，箍喺腰度……”

　　2.老细靠得住

　　当住公司全体员工嘅面，老板勒邦先生赞扬收银员係公司最优秀嘅职员：“朋友，你係我哋嘅光荣同骄傲，你三十年如一日，勤勤力力，而且从未出过一个差错。”职员唔同意：“唔好意思，勒邦先生，可能同您讲嘅啱啱相反。自从入职以嚟，我唔单止有犯错，重唔止一次添。所以……”“吓，”老板有啲紧张，问，“请你讲吓，究竟犯过啲咩错。”“呃，就係您每次应承加我哋人工嗰阵，我都信咗您啰！”